Partia Demokratike ka zhvilluar një konferencë me gazetarët nga i gjithë vendi për të ngritur zërin kundër ligjit anti-shpifje që qeveria kërkon të kalojë në parlament.

Në konferencë i është dhënë rëndësia kapitale çështjes duke ftuar edhe aleatët e PD, Shehi, Ndoka, Duka, Dule si dhe Kryemadhi.

Të gjitha partitë opozitare, duke parë se ‘media është prekur nga PS’ janë angazhuar për t’i marrë vetë në mbrojtje.

Por gjithnjë- sipas konferencës-  media e lirë mund të jetojë vetëm nën sqetullën e partive.

Fjala e mbajtur nga Lulzim Basha i PD:

‘Situata me të cilën media po ballafaqohet është një ofensivë kundër lirisë së shprehjes. Nuk jemi ne pozita paternalizmi për t’ju marrë në krahët e opozitës. Pa lirinë e medias nuk ka liri politike.

Këtu jemi si partnerë në një interes, në interesin e informimit të qytetarëve. Mosinformimi dhe keqinformimi është objektiv i qeverisë dhe Ramës, arrestimeve, presioneve financiare duke ngushtuar informimin. Kjo është një vijë e kuqe e papranueshme për në Partinë Demokratike dhe opozitën e bashkuar. Kjo është një luftë e shpallur kundër lirisë së medias. Qeveria po propozon një për të instaluar censurën. Objektivi ynë është ti japim vendit një kuadër ligjor për ti mbyllur derën tranzicionit ndaj medias dhe për ta zhvendosur në standarde europiane në praktika të autonomisë dhe lirisë së shprehjes. Nëse çmenduria çohet deri në fund në parlamentin e cunguar, opozita nuk do ta njohë dhe sapo të ketë mundësinë e qeverisjes për ta zhbërë këtë legjislacion bashkë me shoqatat e gazetarëve të pezullojmë çdo masë të tillë arbitare.

Shteti nis kryesinë e OSBE me një sjellje rrugaçërore dhe kriminale, kundër lirisë së medias.

Ne na bashkon interesi publik’.

Basha e ka përfunduar fjalën në konferencë duke thënë se ‘kur PD të vijë në pushtet do ta fshijë këtë ligj’.

Veritas.com.al/