Uashington (AFP) – Dy partnerë të ish këshilltarit të sigurimit kombëtar të Presidentit Donald Trump, Michael Flynn u akuzuan të hënën për një skemë të mbështetur nga Ankaraja për të hequr klerikun disident të Turqisë Fethullah Gulen nga Shtetet e Bashkuara.

Departamenti i Drejtësisë akuzoi Bijan Rafiekian, aka Bijan Kian, 66 vjeç nga San Juan Capistrano, Kaliforni dhe Kamil Ekim Alptekin, 41 vjeç, nga Stambolli, duke vepruar si agjentë të paregjistruar të qeverisë turke dhe duke gënjyer FBI për skemën e vitit 2016.

Sipas aktakuzës, Rafiekian dhe Alptekin kanë bërë marrëveshje për grupin Intel te Flynn për të paguar në mënyrë indirekte 600,000 dollarë nga qeveria turke për të ndihmuar në kthimin e opinionit publik dhe politik të SHBA kundër Gulenit në mërgim.

Plani u zhvillua në kulmin e fushatës zgjedhore të vitit 2016, kur Flynn po këshillonte kandidatin e atëhershëm Trump për politikën e jashtme dhe të sigurisë.

Qëllimi, tha Departamenti i Drejtësisë, ishte të siguronin ekstradimin e Gulenit në Turqi, ku Presidenti Rexhep Tajip Erdogan e kishte akuzuar atë për orkestrimin e përpjekjes së grushtit të shtetit të korrikut 2016.

Marrëveshja me Flynn ishte miratuar në nivelet më të larta të qeverisë turke, tha aktakuza, me Alptekin duke mbajtur ministrat e lartë të informuar për progresin e saj.

Aktakuza erdhi një ditë përpara dënimit të planifikuar të Flynn, i cili u arrestua vitin e kaluar lidhur me marrëdhëniet e tij sekrete me zyrtarët rusë dhe Turqinë.

Flynn pranoi një akuzë që ka gënjyer FBI në kërkim te një marrëveshje qe e çoi në pranimin e fajësisë duke ofruar informacion “substancial” për hetimin e avokatit te posaçëm Robert Mueller mbi ndërhyrjen e Rusisë në zgjedhjet e vitit 2016.

Puna e Flynn me turqit është njohur që nga viti i kaluar, kur Wall Street Journal raportoi se ai, Rafiekian dhe Alptekin takuan dhëndrin e Erdoganit Berat Albayrak dhe ministrin e jashtëm turk Mevlut Cavusoglu në Nju Jork në shtator 2016.

Në atë takim ata diskutuan zhvendosjen fizikisht te Gulenit nga shtëpia e tij në Pensilvani për në Turqi pa një urdhër ligjor për ekstradimin.

The Journal përmendi ish drejtorin e CIA-s James Woolsey, i cila mori pjesë në të njëjtën mbledhje dhe më vonë u tha gazetarëve se ai e gjeti idenë mundësisht të paligjshme.

Në atë kohë administrata e Presidentit Barak Obama nuk e kishte miratuar kërkesën e Ankarasë per ekstradimin e Gulenit dhe administrata e Trump ka vëne gjithashtu ne dyshim çështjen.

“Nuk është në shqyrtim,” u tha Trump gazetarëve më 17 nëntor.

Por të dielën, sipas raporteve të medias, Cavusoglu tha se Trump kohët e fundit i tha Erdoganit se Shtëpia e Bardhë po punon për ekstradimin e Gylenit.

Veritas.com.al/