DURRËS- Kryeministri dhe kryetari i Partisë Socialiste Edi Rama ka vijuar turin e takimeve elektorale në qytetin e Durrësit, në kuadër të zgjedhjeve parlamentare të 11 majit.

Ai foli për kundërshtarët politikë, që sipas Ramës do të rrudhën më shumë pas 11 majit.

Më tej, Rama theksoi se Partia Socialiste do të marrë 9 mandate në qarkun e Durrësit nëse do ketë pjesëmarrje masive më 11 maj.

“Durrësi do t’i japë një shtytje më të fortë leshterikëve më 11 maj, një shtytje që do t’i rrudhi edhe më shumë. Nëse do ketë një masivitet si ky që ka sot këtu, dhe nëse të gjithë që jeni sot këtu, jeni pararoja e atyre që do shkojnë në qendër votimi atëherë në çdo qendër votimit, atëherë Durrësit do të thyejë rekordin e vet duke marrë 9 mandate për Partinë Socialiste”, tha Rama.