Kryeministri Edi Rama ka ndarë në rrjetet sociale një moment nga pjesëmarrja e tij në Samitin e 8-të të Komunitetit Politik Europian (EPC), i cili po zhvillohet në Jerevan, Armeni.

Përmes një postimi të shkurtër, Rama publikoi një foto familjare nga samiti, ku liderët europianë janë mbledhur së bashku në kuadër të këtij takimi të rëndësishëm politik. “Jerevan, Armeni-Foto familjare nga Samiti i 8-të i Komunitetit Politik Europian (EPC)”, shkruan kryeministri në postimin e tij.

Samiti i Komunitetit Politik Europian mbledh krerë shtetesh dhe qeverish nga i gjithë kontinenti, me fokus në forcimin e bashkëpunimit politik, sigurisë dhe zhvillimit ekonomik në Europë. Pjesëmarrja e Shqipërisë në këtë forum shihet si një mundësi për të thelluar marrëdhëniet me partnerët europianë dhe për të rritur rolin e vendit në arenën ndërkombëtare.