Raportuar nga Associated Press/

Kërkimi për mbetjet e viktimave të zjarrit shkatërrues të Kalifornisë Veriore ka marrë një urgjencë të re, pasi shiu që parashikohet mund të komplikonte këto përpjekje ndërsa do te sjellë lehtësim për zjarrfikësit në linjat e para …

Deri në 400 vetë dolën të dielën për të kërkuar ne hirin dhe rrënojat ku shtëpitë dikur qëndronin para se flakët të zhurmonin nëpër qytetin e Paradise në kodrat e Sierra dhe komunitetet përreth, duke vrarë së paku 77 vetë në zjarrin më vdekjeprurës të SHBA në një shekull.

Skuadrat e vullnetarëve dhe ekipet e kërkim-shpëtimit kërkuan nëpër mbeturinat e tymosura për fragmente të kockave, para se shirat mund t’i lajnë ose të shndërrojnë hirin e thatë në një paste të trashë. Rreth 1,000 emra mbeten në një listë të njerëzve të pagjetur për më shumë se një javë pas fillimit të zjarrit. Autoritetet nuk besojnë se të gjithë ata që janë në listë mungojnë dhe regjistri ra me 300 të dielën, ku më shumë njerëz ishin lokalizuar ose kishin marre kontakt  duke thënë se nuk mungonin.

Veritas.com.al/