( Foto: OMER MESSINGER/AFP/Getty Images)/ 

Kryeministri i Hungarisë Viktor Orban ka thënë se politikat e forcave “liberale” në Bashkimin Evropian do ta ndajnë bllokun në një perëndim gjithnjë e më shumë islamik dhe një lindje Kristiane-Evropiane tradicionale.

Duke mbajtur fjalimin e tij të parë për mediat ne 2019 në Budapest të enjten, Kryeministri Orbán tha se objektivi i vendit të tij është të sigurojë që forcat anti-emigracion masiv të bëhen “shumicë në çdo sistem kushtetues të BE” në zgjedhjet e Parlamentit Evropian të majit për të luftuar politikat “progresive “te kufijve të hapur që kanë drejtimin aktual të bllokut.

“Mendimi liberal në Evropë është armiku kryesor i lirisë. Liberalët sot janë armiqtë e lirisë në Evropë, “shpjegoi Z.Orbán.

“Në vend të një qytetërimi të unifikuar, do të ketë dy civilizime në Evropë. Do të ketë një qytetërim të përzier, i cili e ndërton të ardhmen në një bashkëjetesë të përzier islamike dhe të krishterë.

“Por ne në Evropën Qendrore ende themi se Evropa është një qytetërim i krishterë dhe themi se Evropa duhet t’i përkasë evropianëve”.

“Në 15-20 vitet e ardhshme, emigrimi do të jetë çështja më e rëndësishme e fatit në kontinent dhe, brenda kësaj, Hungaria,” shtoi ai.

Udhëheqësi hungarez, i cili fitoi mandatin e tij të tretë radhazi në detyrë me një super-shumicë parlamentare në prill 2018, pasi zhvilloi një fushatë për sigurimin e kufijve dhe mbështetjen e familjeve,i bëri komentet ndërsa blloku përgatitet për zgjedhjet e Parlamentit Evropian, përbërja e të cilit mund të ndikojë Komisionin Evropian dhe institucionet e tjera.

Konservatoret shpresojnë që një koalicion i partive të krahut të djathtë dhe populiste do të fitojë pjesen me të madhe në zgjedhjet e majit dhe do të kthejë drejtimin e projektit evropian globalist larg nga kufijtë e hapur dhe të ashtuquajturin progresivizëm.

Kryeministri Orbán përshëndeti gjithashtu bashkëpunimin midis zëvendëskryeministrit italian të djathtë populist Matteo Salvini dhe Partisë konservatore të Ligjit dhe Drejtësisë (PiS) te qeverisë të Polonisë, duke thënë të enjten se “aksi Varshavë-Romë është një zhvillim i madh, shpresat e mëdha janë të lidhura me të. ”

Të mërkurën, udhëheqësit italian dhe polak u takuan për të diskutuar një “pranverë të re evropiane” për të luftuar “aksin francez-gjerman”.

Orbán ishte takuar tashmë me Matteo Salvinin për të diskutuar bashkëpunimin e tyre në verë, duke rënë dakord të formojne një front populist për të sfiduar kancelaren gjermane Angela Merkel dhe presidentin francez Emmanuel Macron dhe vizionin e tyre të Shteteve te Bashkuara të Evropës.

Merkel dhe Macron ranë dakord të mërkurën qe në fund te këtij muaji do të nënshkruanin një traktat historik për të bashkuar aspekte të të dy vendeve duke krijuar “Eurodistrikte” në qytetet kufitare,duke ndarë mbrojtjen, politikën e jashtme dhe ekonomike, në një prototip të një “Evrope sovrane”.

Veritas.com.al/